बात नाही !
बिंब माझ्या अनुभवांचे ज्यात नाही
ते फुलांचे गीत खोटे गात नाही
आज गाभार्यात कां काळोख दाटे ?
वाचली कां एकही फुलवात नाही ?
जन्म अख्खा कोरला त्याने कपाळी
भोगल्या वाचून कोणी जात नाही
जीवना ठाकेन मी पुन्हा लढाया
हा विसावा तू दिलेली मात नाही
कातडी झाली जगा कां राठ माझी ?
की तुझ्या घावात आता बात नाही ?
- प्रतिसाद देण्यासाठी सहभागी व्हा अथवा सदस्य बना
- हे पान ईमेलने पाठवा
हा विसावा तू दिलेली मात नाही
गुणी गझल! 'पुन्हा' या शब्दात मात्रा कमी पडत आहे असे माझे मत!