कार्यशाळा समारोप
निकाल जाहीर !!! :)
अधिक माहितीसाठी कार्यशाळेला भेट द्या..
कवडसा
कुठेही पडावा असा कवडसा मी
कुण्याही घरी अंगणीचा सडा मी
पहावे कुणीही मनाच्या तळाशी
कुणीही नटावे असा आरसा मी
जगाने मनांच्या कळ्यांना खुडावे
तरी घेतला हा स्मिताचा वसा मी
तहानेस अर्पून मी संपलेला
जळाचा घडा जो रिता तो रिता मी
किती लोक गेले शिकूनी तरीही
अडाणीच जो राहिला तो फळा मी
उद्याच्या जगाने जरी टाकलेल्या
सताचा शिवाचा जुना वारसा मी
- प्रतिसाद देण्यासाठी सहभागी व्हा अथवा सदस्य बना
- हे पान ईमेलने पाठवा
प्रतिसाद
सुरेख गझल
सुरेख गझल !!!
अडाणी फळा ही कल्पना अप्रतिम
सगळेच शेर उत्तम आहेत
शुभेच्छा !!!