कार्यशाळा समारोप
निकाल जाहीर !!! :)
अधिक माहितीसाठी कार्यशाळेला भेट द्या..
२९ : sayhi2anand
हुंदका साधा तुझा सांगून गेला
श्वास माझा का असा फसवून गेला
गार वारा त्या किनारी सोबतीला
दूर जाता गंध तो पसरून गेला
धीट होता हुंदका तो दाटलेला
प्रीत माझी शेवटी वदवून गेला
ना सुचावी ओळ भिडणारी मनाला
हुंदका तो ओळ ती होऊन गेला
वाट होती ओळखीची जीवनाची
काळ माझा का मला निजवून गेला?
बंद झाली वाट आता परतणारी
काळ ही तेंव्हा जणू गोठून गेला
- प्रतिसाद देण्यासाठी सहभागी व्हा अथवा सदस्य बना
- हे पान ईमेलने पाठवा
प्रतिसाद
आवडली
आवडली. हुंदक्याचे वेगवेगळे शेर हे ह्या गझलेचे वैशिष्ट्य वाटले.
सहमत आहे.
गझल आवडली.
- नचिकेत आठवले
छान आहे
गझल आवडली.
धीट होता
धीट होता हुंदका तो दाटलेला
प्रीत माझी शेवटी वदवून गेला
हा शेर खूप आवडला!
ठीक आहे.
ना सुचावी ओळ भिडणारी मनाला
हुंदका तो ओळ ती होऊन गेला
धीट होता हुंदका तो दाटलेला
प्रीत माझी शेवटी वदवून गेला
हे चांगले.
बाकी ठिकठाक. गझल ठीक.
माझे - ५/१०.
आनंदपंत
पहिले कडवे कळलेच नाही .
दुस-याचे तेच .
तिसरे कडवे
>>> बरं बरं
चौथे कडवे
>>>छान
पाचवे कडवे
>>> अवघड आहे . काय संबंध ? समजले नाही .
सहावे कडवे
>>> बरं बरं
१, ३, ५ समजावून सांगाल का? मी ढ आहे.
धन्यवाद
मित्रांनो ,
आणि विसुनाना ५ गुण दिलेत ( आमच्याकडे ४० ला म्हणजे ४ ला पास असते ),
ही माझी पहिलीच गझल होती धन्यवाद...
धीट
धीट प्रीत आणि ओळ हे शेर आवडले. लिहित राहा!!
-- पुलस्ति.
सहमत
पुलस्तिंशी सहमत...
लिहिता रहा नितांत...
आभाळभर शुभेच्छा :)
-आपले आभाळ :)