मराठी गझल : एक अखंड मैफल!

हे चांगले आहेत, हे आवडले असे म्हणायला जागाच नाही.
सर्वच शेर उत्कृष्ट आहेत.

सोनाली जोशी यांची ही गझल एखाद्या गरत्या स्त्रीचा सुंदर चेहरा
पदरामागून ओझरता दिसावा अशी आहे.
कुठेही काही बेगडीपणा नाही, शाब्दिक फुलोरा नाही,
तरीही प्रत्येक शेर सच्चा, आत पोचणारा!

वा! -अशी दाद मोठ्याने द्यावी का की नुसतेच स्मित करावे?
माझे - ९/१०.

असेच लिहा.

-
" आज नाही", एवढेसे ती म्हणाली
तो नकाराने किती पोळून गेला !

खूप छान आहे हे. संयमित तरी परिणामकारक.

द्वाड होता शब्द माझा बांधलेला
मोकळा केला तसा बोलून गेला!

हा शेरही आवडला.

- सतीश

सोनाली,

द्वाड होता शब्द माझा बांधलेला
मोकळा केला तसा बोलून गेला! - हा शेर सर्वांत आवडला.

मक्ताही सुंदर आहे.

- कुमार

अतिशय संयत, सहजसुंदर आणि परिणामकारक गझल आहे सोनाली! मला बलराज सहानी (किंवा हॉलिवूड मधल्या जैक लेमन) ची आठवण झाली...
भेटण्याची वेळ आणि मक्ता खूप खूप आवडला!
-- पुलस्ति.

" आज नाही", एवढेसे ती म्हणाली
तो नकाराने किती पोळून गेला !
वाव्वाव्वा!!!

कोणती ही रीत झाली वागण्याची?
भेटण्याची वेळ तो पाळून गेला!
गेला ह्या अन्त्ययमकाची मजा. आला, भेटला, निघून गेला! किंवा भेटण्याची वेळ पाळली असेही. वरची ओळ अगदी बोलती आहे.

द्वाड होता शब्द माझा बांधलेला
मोकळा केला तसा बोलून गेला!
इथे द्वाडही चांगला वाटतो. 'निसटून गेला' खालच्या ओळीत यायला हवे होते असे वाटते.

मला काही वेरियेशन्झ सुचले---

शब्द तो ओठावरी आलाच नाही
नेमका डोळ्यांतुनी निसटून गेला

बंद ओठांनी किती जपले तरीही
शब्द तो डोळ्यांतुनी निसटून गेला

तिन्ही शेर विशेष आवडले. मतलाही चांगला निभावला आहे.
इतर शेरांत सुधारणेस वाव आहे.

भेटले मज लोक सारे टाळणारे
खेद हा की काळही सोडून गेला..

हा शेर खूप आवडला.
एकदम छान.