मराठी गझल : एक अखंड मैफल!

जयश्री,
छान आहे गझल!!
'कोवळे अंकूर', 'निखळलेला दुवा' आणि 'चेहरा' हे शेर आवडले.

आभाळ,
मला वाटते खूप ढग दाटून आले म्हणून 'काळे'. सानी मिसर्‍यातल्या 'बरसून' मुळे मला असा अर्थ वाटला. बाकी, स्वतः गझलकार स्पष्टीकरण देतीलच!

- नचिकेत आठवले

- हे शेर विशेष चांगले जमले आहेत.

वावडे होते जरी तुज मैफ़लीचे
सूर का मग आगळे छेडून गेला

मी अशी दुबळी पुन्हा त्याच्यासमोरी
चेहरा संपूर्ण तो वाचून गेला

पुढे उल्लेख केलेल्या शेराबद्दल एक गोष्ट सांगायला हवी, ती अशी की पहिल्या ओळीत रदीफ एकटा येणं तांत्रिक दृष्ट्या योग्य नाही. रदीफ चा शब्द पहिल्या ओळीतच निराळ्या जागी आल्यास चालेल. अधिकारी मंडळींकडून खात्री करून घ्यालच.

ओळखीचे हास्य तो विसरुन गेला
राहता तो ही दुवा निखळून गेला

-सतीश

जयावी

संसार माझाच म्हणायचं होतं का तुला? म्हण्जे तू डाव उधळून गेलास म्हणून माझा?

ओळखीचे.. आणि राहता.. हे दोन शेर होऊ शकतात ना?

चू भू द्या घ्या

लिहीत रहा. आणि फोटोत हसतेस तशी आनंदी रहा.

पाहुनी तव लोचनी आभाळ काळे
अंतरी पाऊस हा बरसून गेला

ओळखीचे हास्य तो विसरुन गेला
राहता तो ही दुवा निखळून गेला

वावडे होते जरी तुज मैफ़लीचे
सूर का मग आगळे छेडून गेला

या शेरांमधील कल्पना आवडल्या.
तुज आणि गेला - हे थोडे खटकले.
गझलेचा सूर शेवटपर्यंत कायम राहिला हे ही यश!

परत एकदा शेवटचा हात फिरवला असता तर बरे झाले असते असे वाटले.
बाकी ठिकठाक. माझे - ६/१०.

गझल जयु!
मतला, आभाळ आणि दुबळी हे शेर आवडले.
दुवा हा शेर नीट कळला नाही.
या "कैसी" शब्दाचे काहितरी कर जयु.. मागेही तुझ्या एका गझलेत आला होता. नाही म्हटलं तरी त्याने जरा अडखळायला होतच..

-- पुलस्ति.

मतला आवडला

जयश्री, गझल आवडली.

मतला छान निभावला आहे.

पाहुनी तव लोचनी आभाळ काळे
अंतरी पाऊस हा बरसून गेला
कल्पना आवडली.

मी अशी दुबळी पुन्हा त्याच्यासमोरी
चेहरा संपूर्ण तो वाचून गेला

वा. हा शेर खूप खूप आवडला.

कोवळे अंकूर चा शेर मस्त आहे.

राहता तो ही दुवा निखळून गेला सारखा मिसरा " राहिलेलाही दुवा निखळून गेला" असा सरळ लिहीला तर जास्त परिणामकारक ठरेल असे वाटते . विशेषत: उला मिस-यात "तो" हा शब्द आल्याने सानी मिस-यात वेगळ्या अर्थाने तो टाळून संदिग्धता घालवता आली तर उत्तम