मराठी गझल - गझल - प्रतिसाद

सफल

नचिकेत — Thu, 11 Mar 2010 00:03:51 -0600

-गिरीश,

तुमचा पहिला प्रयत्न 'तांत्रिक' दृष्टीने सफल आहे. अभिनंदन.

अरे आज मात्र हैदोस झाला
तिने टाकला लिफाफाच नांवे

हे आवडले.
- नचिकेत आठवले

मार्गदर्शन

गिरीश कुलकर्णी — Tue, 09 Mar 2010 02:09:43 -0600

हा पहिलाच प्रयत्न आहे गझल लिहायचा.चुका संभवतात त्यावर जाणकारांनी मार्गदर्शन करावे ही विनंती.

सस्नेह,

गिरीश कुलकर्णी

आभार

बेफिकीर — Fri, 05 Mar 2010 09:18:18 -0600

दोघांचेही मनापासून आभार! संपर्कासाठी 9371080387 वर डायल करू शकताच.

मधुसुदनजी,

चेतनकुमार चौधरी — Sat, 27 Feb 2010 05:09:31 -0600

मधुसुदनजी,

अप्रतीम गझल,
नको नाव गुंफू उखाण्यात माझे
तुला ओवले मीच श्वासात आहे

हा शेर खूपच छान आहे.

आपल्या काहि गझल येथे माझ्या वाचनात आल्या. सुंदर लीहितात

शुभेच्छा !!!

अप्रतिम

चेतनकुमार चौधरी — Sat, 27 Feb 2010 04:00:49 -0600

खुपच सुरेख गझल.

पादचारी , काय जाणे त्या जुन्या वस्तू कुठे गेल्या? ,ठेवली असती हे शेर अप्रतिम

पण
रक्तदाबाची जराशी चाचणी घेऊ
एकदा माझ्यासमोरी घाल अंबाडा

ह्या एका शेराने धमाल केली आहे.सुभानअल्लाह !!!

आपल्या गझलेचे वैशेष म्हणजे लय आणि व्रूत्त.
आपल्या सगळ्याच गझल उत्तम असतात.

आपणास भेटण्याचा योग यावा.

शुभेच्छा

कशाला

नेहा दुसाने — Sat, 27 Feb 2010 03:54:58 -0600

कशाला तुका, माउली, मीर वाचा?
स्वतःला स्वतः जाणले, बास झाले

खुप छान्

शेवटचा शेर

चेतनकुमार चौधरी — Sat, 27 Feb 2010 00:52:58 -0600

शेवटचा शेर खूपच अप्रतीम
गुगलीचा शेरही खासच जमला आहे.

शुभेच्छा

धन्‍यवाद

अशोक वानखडे — Thu, 25 Feb 2010 02:06:43 -0600

गझलेच्‍या संकेत स्‍थळावर माझ्यासारख्‍याची कविता ठेवू दिल्‍याबद्दल व त्‍याला मिळालेल्‍या 127 वाचने व 7 महत्‍वपूर्ण प्रतिसादाबद्दल मी आपल्‍या सर्वांचा मन:पूर्वक आभारी आहे. एवढा भरभरुन प्रतिसाद कदाचित 'त्‍या' शब्‍दामुळे असेल ही, परंतु त्‍या निमित्‍त का असेना, कविता वाचल्‍या गेली याचे समाधान अधिक आहे.

कुठल्‍याही साहित्‍य प्रकारामध्‍येच नव्‍हे तर कुठे ही सार्वजनिक स्‍थळी/वेळी, सभ्‍य किंवा पार्लमेंटरी शब्‍दच असावेत असा संकेत आहे, किंवा यालाच समाजात सभ्‍यपणा महणतात, यात दुमत नाही. परंतु 21व्‍या शतकातच नव्‍हे तर अगदी फार पूर्वी आम्‍हीच हा पायंडा मोडला आहे आणि त्‍या मोडक्‍या पायंड्याला पारितोषिकांनी सन्‍मानित ही केले आहे. ढसाळांच्‍या कवितांचा किंवा इतर दलित कवितांचा संदर्भ ईथे देता येईल. उदाहरणादाखल हल्‍लीच वाचनात आलेल्‍या कवितेच्‍या दोन ओळी ईथे देत आहे... स्‍वातंत्रया स्‍वातंत्रया तुझी व्‍याख्‍या मांड। नाहीतर तुझ्या *** **। हल्‍ली चित्रपटांमधून ऐकायला येणा-या शिव्‍या व 3 ईडियट सारख्‍या चित्रपटातील 3 ढुंगणे पाहिल्‍यावर, 21 शतकातील सभ्‍यपणा नव्‍याने अधोरेखीत करावा लागेल असेच वाटते. शब्‍दांना पर्याय जरी असले तरी भावना व्‍यक्‍त करणारा अर्थ मिळतोच असे नाही. असो, मी फक्‍त ह्या माध्‍यमातून भावना व्‍यक्‍त करीत होतो. मला कुणाला दुखवायच्‍ो नव्‍हते, मी दिलगीर आहे; मला क्षमा करा. पुढे इथे अशी चुक करणार नाही, एवढेच, धन्‍यवाद!

भावना...

नचिकेत — Wed, 24 Feb 2010 00:38:14 -0600

भावना महत्वाची ह्यात काही शंका नसावी. ती व्यक्त करण्यासाठी कुठले माध्यम निवडायचे (चित्र, चित्रपट, कथा, कादंबरी, कविता इ.) हा ज्याच्या-त्याच्या आवडीचा आणि कुवतीचा प्रश्न. मग तुम्ही भावना व्यक्त करायला जर 'गझल' हे माध्यम निवडले असेल तर त्यासोबत असलेल्या सर्व तांत्रिक बाजू सांभाळल्याच पाहिजेत.

- नचिकेत आठवले

तंत्र महत्वाचे की भावना महत्वाची ?

निलय् — Tue, 23 Feb 2010 01:09:36 -0600

तंत्र महत्वाचे की भावना महत्वाची यावर मागे फार मोठी चर्चा झाली होती.

बरोबर

मिलन टोपकर — Sat, 20 Feb 2010 06:39:38 -0600

धन्यवाद. 'फूल' मध्ये चूकच झाली. आणि मात्रादेखील काळजीपुर्वकच पहायला हव्या होत्या. मार्गदर्शनाबद्दल आभार. मी मागे विचारले होते, प्रसिध्द झाल्यावर त्यातले दोष काढता येतात का? तशी सोय आहे का?

मिलन, आशय

बेफिकीर — Fri, 19 Feb 2010 04:56:09 -0600

मिलन,

आशय नेहमीप्रमाणेच चांगला आहे. मात्र गझलेत मात्रादोष असू नयेत.

आरसे भलतेच मागू लागले
आमुचे चेहरेच मागू लागले! (चेहरेच या शब्दात एक मात्रा जास्त आहे.)

बोललो इतकेच मी, "का मारता?"
ढाल छळणारेच मागू लागले!

ना कुणी काट्यांस वाली राहिला,
फुल देव्हारेच मागू लागले! (फुल हा शब्द फूल असा यायला हवा आहे.)

मागणार्‍यांना जरा सौजन्य नाही,(नाही या शब्दामुळे दोन मात्रा जास्त येत आहेत. 'ना' असेही चालते.)
दान प्राणांचेच मागू लागले!

काल जे गेले दिलासे देऊनी (उ पहिला यायला हवा, दीर्घ नाही.)
मोल त्यांचे तेच मागू लागले! (व्वा! मस्तच शेर)

जे कधी जगलेच नाही मोकळे, (सुंदर मिसरा!)
प्रेमही हलकेच मागू लागले!

काय मी झोळी धरू त्याच्यापुढे?
भीकही सगळेच मागू लागले!

अनेक शेर छान आहेत. मात्रादोष मात्र जायला हवेत.

चु,भु.द्या.घ्या.

संपादित

प्रशासक — Sun, 14 Feb 2010 22:34:29 -0600

बाराखडीत लिहिल्याप्रमाणे...
"गझलेची भाषा तिच्या पिंडाला मानवणारी असावी. ज्याचा आपल्या मातृभाषेवर संपूर्ण ताबा आहे. त्याला कोणताही विषय किंवा कोणतीही भावना शिवीगाळ न करता तेवढ्याच प्रभावीपणे शेरातून व्यक्त करता येते. क्वचित प्रसंगी अगदी अपरिहार्य झाल्यास एखादा असा शब्द त्या शेराच्या अभिव्यक्तीत चपखलपणे बसत असल्यास उपयोगात आणायला हरकत नाही. पण तसा शब्द अपरिहार्य असावा."

ह्या रचनेत वापरलेला शब्द अपरिहार्य वाटत नाही. त्या ऐवजी पर्यायी शब्द सहज वापरता येईल. त्यामुळे तो शेर व प्रतिसादात आलेल्या त्या शब्दाचा उल्लेख संपादित केला आहे.

~ प्रशासक

मस्त.

गंगाधर मुटे — Sat, 13 Feb 2010 22:48:59 -0600

गप्प बसण्याने कुणाला कीव येते का?
ओरडा, भोकाड पसरा, पायही झाडा
हे जास्त भावले.

असे म्हणण्याचा मला अधिकार नाही

बेफिकीर — Sat, 13 Feb 2010 04:48:14 -0600

मात्र ती गझल होत नाही हे वर्षानुवर्षे गझल करणार्‍यांचे म्हणणे आहे.

मी ते म्हणणे अनुसरतो.

धन्यवाद!