मराठी गझल - २२ : आनंदयात्री - प्रतिसाद

मतला व्वा!

मेघधारा — Wed, 02 May 2007 14:50:53 -0400

मतला व्वा! अगदी सहज संवाद साधणारा.
दाटले आभाळ जे... मला जे कळलं तेच म्हणायचं होतं का? असं वाटलं. म्हणजे तुझे आसू माझ्या नशिबात काय लिहिलय ते सांगून गेले .. असं म्हणायचं होतं का?
२,३,४ कळले नाहीत पुन्हा वाचते आहे.

सर्वांना

आनंदयात्री — Wed, 02 May 2007 06:52:39 -0400

सर्वांना धन्यवाद!!
तुमच्या सर्व मतांशी एकदम सहमत...
नीट नाही जमली ही गझल...
अर्थात, अगदीच सो-सो नाहिए... पण i also wasnt totally satisfied...

सहजतेला बाधा...कसरत वाटते काही ठिकाणी..

आभाळ — Wed, 02 May 2007 03:23:57 -0400

मतला आणी मक्ता आवडले.
बाकी शेरांवर पुन्हा विचार करायला हवा होता.
चु.भू.दे.घे.
-आपले आभाळ :)

ठीक आहे.

विसुनाना — Wed, 02 May 2007 00:29:22 -0400

बोलते झालोच ना? मग पाहताना
दाह का नजरेतला जाळून गेला?

चांगला शेर आहे.

दाटले आभाळ जे तव पापणीला
कोरलेले भाळ ते दावून गेला

पार होता कूस संगे गाव माझा
लक्तरे वेशीवरी टांगून गेला

कल्पना चांगल्या.
गझल ठीक आहे.
माझे - ५/१०.

मतला...

नचिकेत — Wed, 02 May 2007 00:04:52 -0400

आणि शेवटचा शेर आवडले, नचिकेता...

पण बाकीचे शेर जरा जड जात आहेत. पुन्हा वाचून बघतो. :-)

- नचिकेत आठवले

छान्

पुलस्ति — Tue, 01 May 2007 23:01:59 -0400

आभाळ शेर ठीक. लक्तरे आणि बाहुला - नीट कळले नाही. शेवटचे २ शेर आवडले. पण मतला सर्वात जास्त आवडला... खासच आलाय!
-- पुलस्ति.

मात्र तो बोलून गेला

प्रणव सदाशिव काळे — Tue, 01 May 2007 22:39:25 -0400

हुंदका साधा तुझा सांगून गेला
मात्र तो बोलून गेला
आवडले. शेवटच्या शेरातला ओघ आवडला.

२२ : आनंदयात्री

आनंदयात्री — Tue, 01 May 2007 00:00:00 -0400

हुंदका साधा तुझा सांगून गेला
टाळले तू, मात्र तो बोलून गेला

दाटले आभाळ जे तव पापणीला
कोरलेले भाळ ते दावून गेला