मराठी गझल - गझल कार्यशाळा - प्रतिसाद

क्षमस्व !

सारंग — Fri, 18 May 2007 12:40:00 -0400

कार्यशाळेसाठी दिलेल्या जमिनीवर गझल लिहीण्याचा तुम्हा सर्वांबरोबरच मी ही प्रयत्न करत होतो, परंतु कामाच्या व्यापात मला गझल पूर्ण करणे जमले नाही. त्याबद्दल दिलगीर आहे.

कार्यशाळेतील विजेत्यांचे हार्दिक अभिनंदन!
तसेच सर्वच सहभागी सदस्यांना पुढील लेखनासाठी शुभेच्छा!

- सारंग.

कार्यशाळा संपली...

आभाळ — Mon, 14 May 2007 05:52:35 -0400

पण सारंग ह्यांची जमीन असणारी मूळ गझल कधी प्रकाशित होणार आहे??

वा

श्यामली — Mon, 07 May 2007 09:35:44 -0400

सही चाललय लोकहो :)
छान छान गझला वाचायला मिळतायत्

हे शेरखान नावाची गम्मतपण आवडली मजा वाटतीये

शेरखान स्पर्धा

रसिक — Fri, 04 May 2007 07:49:54 -0400

शेरखान स्पर्धा परीक्षकांची नसून कार्यशाळेत भाग घेणार्‍यांचीच आहे.. गझलेच्या बाराखडीवर तासून विचार करायला शिकावे हा त्यातला मुख्य उद्देश असावा. स्वत्:च्या शेरांकडे असे बघता आले तर लेखनात फरक पडेलच.
सर्वांनी त्यात भाग ह्यावा असेच वाटते.

विश्वास ह्यांची गझल ???

आभाळ — Thu, 26 Apr 2007 00:45:48 -0400

विश्वास ह्यांची गझल पूर्ण प्रकाशित झाली नाही का?
म्हणजे मला फक्त दोनच शेर दिसताहेत...
प्रशासक जरा पाहाल का नेमका problem काय आहे ते?
धन्यवाद.
-आभाळ :)

दिसतात...

नचिकेत — Tue, 24 Apr 2007 08:29:17 -0400

प्रमोद,

तो sorting चा problem वाटतो आहे. क्र. १ च्या गझल नंतर १०,११,१२ इत्यादी गझल आहेत. :-)

- नचिकेत आठवले

नवीन गझल

प्रमोद बेजकर — Tue, 24 Apr 2007 08:08:17 -0400

नचिकेतच्या नंतरच्या गझल प्रकाशित होऊनही दिसत नाहीत. काय प्रॉब्लेम आहे?

चातक

स्वाती — Sun, 15 Apr 2007 20:35:46 -0400

तुमची तरही गझल मिळाली आहे. कार्यशाळेतील बाकी सर्व गझल पोस्ट झाल्यावर ती पोस्ट केली जाईल.

प्रवेशिका

स्वाती — Mon, 09 Apr 2007 10:10:24 -0400

समाविष्ट झालेल्या नवीन प्रवेशिका :

२६. आनंदयात्री
२७. प्रमोद खराडे
२८. मिल्या
२९. sayhi2anand
३०. साती
३१. झाड
३२. प्रसाद शिरगांवकर
३३. वैभव जोशी
३४. स्वाती आंबोळे

आज अमेरिकन Eastern Standard Time नुसार मध्यरात्रीपर्यंत आलेल्या प्रवेशिका कार्यशाळेसाठी ग्राह्य धरल्या जातील.
तेव्हा अजून ज्यांनी गझल पाठवलेली नाही त्यांनी त्वरा करा. :)

प्रवेशिका

संग्राहक — Mon, 09 Apr 2007 01:44:34 -0400

आज मिळालेल्या नवीन प्रवेशिका :

२४. विश्वास
२५. मीनू

रसिक, तुमचा सुधारित शेर मिळाला आहे.

सुधारित शेर्

रसिक — Sun, 08 Apr 2007 22:34:10 -0400

सारंग यांच्या इमेलला प्रतिसाद म्हणून एक शेर बदलून पाठवला होता. मिळाला कि कळवावे.

प्रवेशिका

स्वाती — Sat, 07 Apr 2007 23:23:40 -0400

आज आलेल्या नवीन प्रवेशिका:
२१. कुमार जावडेकर.
२२. अश्विनी
२३. चिन्नू

तसंच सुधीर जोशी यांच्या गझलची सुधारित आवृत्ती मिळालेली आहे.

प्रवेशिका

स्वाती — Sat, 07 Apr 2007 01:15:46 -0400

आज समाविष्ट झालेल्या नवीन प्रवेशिका :

१९. मेघधारा
२०. विसुनाना(२)

माझी गझल मिळाली का?

मेघधारा — Sat, 07 Apr 2007 00:56:10 -0400

पोस्ट करताना बरेचदा गडबड झाली म्हणून विचारत आहे.

एकापेक्षा जास्त प्रवेशिका चालतील ना?

विसुनाना — Fri, 06 Apr 2007 13:57:26 -0400

कृपया एकाच व्यक्तीच्या २ किंवा अधीक गझलांचा विचार व्हावा अशी नम्र विनंती.
मी ३(!) दिल्या आहेत. :) - विसुनाना.

गझल कार्यशाळा

संग्राहक — Thu, 29 Mar 2007 06:42:26 -0400

कार्यशाळेत नवीन : ‘शेरखान’ स्पर्धा
(अर्थात, परीक्षा परीक्षकांची!!)

मित्रहो, कार्यशाळेसाठी आलेल्या प्रवेशिका आपण रोज वाचतो आहोत, त्यांवर साधक बाधक चर्चा करतो आहोत. आणि त्याचबरोबर पडद्यामागे नियामक मंडळाचे सदस्य त्यांचं मूल्यमापनही करत आहेत. या मूल्यमापनातूनच आपले तीन विजेते शेवटी निवडले जातील.

पण नियामक मंडळातील काही सदस्यांनीही त्यांच्या ‘तरही’ प्रवेशिका आपल्याकडे सुपूर्त केल्या आहेत त्यांचं काय? त्यांचं मूल्यमापन कोण करणार?

तर ही अतिशय महत्वाची जबाबदारी आम्ही तुमच्यावरच सोपवत आहोत. आजपासून रोजच्या प्रवेशिकांबरोबर इथे काही सुटे शेर प्रसिद्ध होतील. कुठला शेर कुठल्या गज़लकाराचा आहे ते सांगितलं जाणार नाही. तुम्ही इतकंच करायचं, तुमच्या प्रतिसादात त्यातील प्रत्येक शेराला १० पैकी गुण द्यायचे. ‘गज़लमधील प्रत्येक शेर ही स्वतंत्र कविता असली पाहिजे’ हा तर सर्वमान्य संकेत आहे. आपण खरंच तसं लिहीतो का, आणि वाचतानाही प्रत्येक शेराचं खरंच स्वतंत्रपणे रसग्रहण करतो का, या दोन्हीची परीक्षाच ही.

सगळे शेर प्रकाशित करून झाले, की तुम्ही दिलेल्या गुणांवरून आपण निवडणार आहोत नियामक मंडळापैकी सर्वोत्तम गज़ल. आणि त्यासाठी बक्षिसही देणार आहोत. पण ते त्या गज़लकाराला नव्हे, तर त्या गज़लमधील शेरांना ज्या सदस्याने सर्वात जास्त गुण दिले असतील त्याला - आपल्या ‘शेरखानला !!

पण त्यासाठी त्या सदस्याने ‘सगळ्या शेरांवर गूण दिलेले असायला हवेत.

मग, करायची सुरुवात?